Nalika

Nalika

Dening: Ahmad Solekhan

Saderma

Ya mung saderma

Praupanmu katon nyata ana ing netra

Padhang rasaning dunya

Anane mung tansah ngalembana

Ora nate gawe cubriya

Tan bisa gawe sangsara

Esemu ngalahke padhange Hyang Haruna

        Nanging kabeh wus sirna

        Nalika sliramu lunga

        Bedha krasa ana ing driya

        Saben dina tansah ngayawara

        Nora ana cahya ing dada

        Uripku tansah nestapa

        Sira lunga oncat dunya

Nanging kabeh wis dadi garising jawata

Ingsung rabisa ngupaya

Mung bisa dedonga

Muga sira mlebu suwarga

Lan bisa bagya mulya ing kana