Bapak Basuki

        Bapak Muhammad Basuki Indra Utama ingkang asring dipuntimbali bapak Basuki kaliyan para warga. Lair rikala tanggal 7 September 1966 wonten ing Bantul. bapak basuki menika gadhah griya wonten ing dusun Gemahan Rt.03, Ringinharjo, Bantul, Yogyakarta.

        Bapak Basuki gadhah garwa ingkang asmanipun ibu Jumiyem saha gadhah putra kalih. Putranipun ingkang angka setunggal inggih menika estri ingkang dipunparingi nama Eka Rahmadhani saha putra ingkang paling alit inggih menika jaler ingkang dipunparingi nama Dimas Dwi Saputra.

        Kangge nyekapi kabetahan keluwarga, bapak Basuki gadhah pidamelan dados pengrajin Bathik. Ananging, bapak Basuki taksih nderek bapak Suyatin, warga Gemahan Rt.01, Ringinharjo, Bantul ingkang gadhah usaha Bathik Pertiwi. Bapak Basuki biasanipun pikanthuk bagian nyolet utawi marnai kain bathik ingkang sampun dipundamel. Saking pewarnaan menika biasanipun Batik Pertiwi ngginaken bahan kimia. Bathik ingkang badhe dipun colet kedah dipuncek malih supados boten wonten motif ingkang keliwatan. Bathik dipun rendam ngginaaken pewarna kimia. Menawi sampun bathik dipunjemur. Saha ingkang pungkasan bathik dipun godhog ngginaaken tepung kanji supados mangke malamipun saged ical.

        Saking pidamelan menika bapak Basuki pikanthuk jatah utawi upah Rp.300.000 saben minggunipun. Saking upah menika bapak Basuki kedah nyekap-nyekapaken kabetahanipun. Bapak Basuki kedah saged bagi artanipun kangge putra ingkang paling alit sekolah saha kangge kabetahan pawon. Amargi putra ingkang estri sampun gadah garwa saha sampun gadah griya piyambak.

        Miturut bapak Basuki supados Bathik menika tetep dipunremeni kaliyan warga, kedah jagi kualitas saha kuantitasipun. Supados warga saged puas menawi tumbas bathik menika.